我的低能心聲

呵呵呵, 日日在屋企坐唔安食唔落, 就係想撲去書展買馬仔新作.

巡完一號館, 買了新書, 跟住上去三號館找精品.

本來那些匙扣和電話繩都好靚, 但係我驚刮花部電話, 所以唔買了. 其他好像沒什麼特別.

看檔阿姐推介, 呢個枕頭仔好呀, 可以瞓晏覺墊住個頭, 好多人買架.

瞓晏覺? 咪係馬仔做OL時的看家本領囉! 諗起就覺得好笑, 跟住看它size大小適中, 剛好用來墊腰寫稿. 雖則要100大元, 比起另一款四方cushion貴.

但係呢個有馬仔瞓晏覺個樣, 看著都不自覺代入左, 好爽! 好, 豪一豪佢! (仲有另一款粉紅色, 係馬仔做facial的公仔, 好romantic架)

********************************

唔知點解, 呢排才突然發現馬仔咁好睇.

逛書局是鄙人日常shopping指定項目之一, 去年早已留意到馬仔的兩本低能系列, 不過當作是一本繪本, 沒有上心.

後來她出版了《我們的低能婚禮》. 一揭內容, 好有共鳴呀!


不過在書局打書釘看完就算, 沒買.

**********************************

早兩個星期, 雜誌地鐵廣告, 鋪天蓋地的宣傳書展.

天地的重點推介新書, 是馬仔的《我的低能旅行》和《我的低能大肚之道》.

對於恨生仔的我唻講, 「大肚」兩個字, 異常吸引.

未去得書展之前, 上網睇下料啦. 無端端去左馬仔個網頁《馬仔市集》

睇下佢個blog, 睇下睇下, 覺得好開心.

呢個女仔真係好樂觀, 寫的盡是開心事.

跟住就好想睇番佢的前作.

一睇, 不得了, 簡直迷上了!

**********************************

去書展, 第一時間買新書.

都未等得切返屋企, 坐在場館外的長椅休息, 已經急不及待拎出來翻閱.


真係好好笑, 仲好有共鳴...

雖則我仲未大肚, 但係佢講到因為婦科問題, 中西醫都建議佢儘快懷孕, 於是就要當自己有左咁, 好多野都唔食得, 生冷、海鮮係頭號禁忌.

為了生bb, 養好身子, 我已經戒左生冷野成兩年幾!

嗚嗚嗚, 凍飲我仲可以忍, 但係雲呢拿雪糕係我的至愛之一, 一到夏天就特別想食...無得食, 好慘.

跟住睇到馬仔話每個月姨媽到, 就會晌果幾日放肆大食生冷野, 簡直講中晒我的心聲!

就係果幾日才是放監的日子, 可以去食魚生壽司, 仲可以食雪糕.

但係呢幾日往往一閃即逝, 把握唔到, 就要乖乖返入監倉, 等下個月再定生死...

呢樣野, 恐怕連三少都唔察覺. 如果唔係, 佢應該每個月都帶我食一次壽司!

所以呢, 而家個個月都望快d中, 咁生完bb就可以回復自由, 唔駛無了期咁等落去...

等待係最磨人的事, 仲要一等, 就等左兩年零三個月!

唉, 好羨慕有d人, 話有就有.

呢世人, 最怕無把握的事, 即使去街, 我都會上網查定地圖, 確保自己搭岩車唔會行錯路.

偏偏生仔係最不可能把握, 文獻指出, 女性自然成功受孕的機會, 一般係15-20%.

仲未計年齡體質遺傳等因素.

所以話, bb係天賜, 一d都無講錯. 真係有就有, 無就無.

終於明白, 點解老人家成日叫人「有仔趁嫩生」.

綠油油的菜飯

習慣了跟三少一起回老爺家吃飯, 偶爾他開夜, 我就會等他回來, 或者一塊到樓下大排檔炒兩味, 或者在家煮麵.

今晚三少預告會夜歸, 不想自己一個去快餐店吃, 決定自己弄.

我怕煮飯, 通常用「一鑊熟」的方法. 煮個上湯, 把麵條、餸菜一股腦兒倒進鍋內.

或者做個「大鑊飯」, 把免治肉碎、菜粒連飯一起倒進電飯煲.

不過, 通常都落得菜粒發黃的醜態.

後來上網一查, 才知道不能太早放菜粒.

原來先把菜灼一灼, 待飯熟再倒進電飯煲, 就可以得出一煲綠油油的菜飯.

終於成功了, 自覺挺漂亮, 哈!

不怕醜, 跟大家分享製法...

*****************************

鴛鴦粒菜飯

材料
免治豬肉
免治牛肉
(都是在超市買, 預先包裝好, 大概0.22斤一包)
小棠菜 半斤
白米 適量

製法
1. 分別落醃料醃豬肉及牛肉, 都是生粉、鹽、糖、油、豉油, 不過牛肉不能落鹽, 會韌. 拌勻待用.
2. 洗米
3. 牛肉及豬肉連米一起放進飯煲, 按掣煮飯
4. 洗菜, 切粒
5. 煲水, 水滾後落少許油、鹽, 放進菜粒, 不必灼到全熟, 灼一灼就可撈起待用.
6. 飯煲跳掣至保溫, 把菜粒倒進去, 蓋上蓋, 焗十分鐘.
7. 打開飯煲蓋, 拌勻所有材料

食得! 我唔客氣啦!

敗家精之Maquillage零九秋冬新品(1)

每年7月, 天氣仍熱得叫人跳舞, 各家化妝品已紛紛推出秋冬妝品.

資生堂算比較晚一點, 別家月頭已推新品, 她們偏揀7月21日, 年年如是, 準過通勝.

早年行貨引入較慢, 被水貨吃了頭啖湯, 後來學乖了, 跟日本同步發售.

好啦, 作為資生堂死忠粉絲, 準時報到, 抱了一堆新妝品回家.

來個全體照.
上列四盒是胭脂和眼影, 最右一盒黑色是限量版. 上次跟Christian Kane合作, 今季跟Alexander Wang合作.

設計師普遍喜愛黑色, Kane和Wang都是走型格路線, 包裝亦不約而同地選取黑色.

下左是The Makeup relaunched的粉底, 那個仿瓷製的光澤盒面, 美得叫人只想買粉盒. (那不是成語「買櫝還珠」的故事嗎?)

右面是唇膏和唇彩新品. 我沒挑限量版, 雖則黑色唇膏筒身非常有型格, 但唇膏色太紅太深, 不合本人簡樸裸妝風格, 只得作罷.

漂亮的粉盒. 設計簡約, 似藝術品多點.

因為光面太會反光倒影了, 與其暴露家中醜態, 不如借蘭花點綴.

右下角新添了資生堂的山茶花標誌.

The Makeup重新包裝, 重新發賣, 連名字也改了, 叫"SMK". 豈不是跟RMK撞名?!

第一款relaunch的粉底是皇牌膏狀粉底.

以前的版本不太控油, 而且會焗出暗瘡粉刺, 我受不了. 這個透薄得多, 但遮瑕度相對低, 作假日休閒改善面色是不俗的選擇.

跟著是MQ show time...
不看下圖我也忘了, 最左一盒是胭脂. 外表太像, 我都會在盒底貼上標貼, 以資識別.

這個胭脂色很淡, 很適合裸妝. 色號也寫明"nude beige", 掃上會有好氣色, 我很愛用的一盒.

黑色限量版的眼影. 有兩個顏色, 是不同格調的啡色系, 我挑了這個偏金橙色的, 另一個偏紫, 較適合濃妝或晚妝.

配上磨砂黑底, 就添了份型格味道.

唇妝部門. 左一那支珊瑚粉紅是主打色, 很好搭. 旁邊那支偏粉嫩, 帶點紫, 很裸淡的色調.

今季的唇妝滋潤度都很高, 我連潤唇膏也省了, 直接擦唇彩/唇膏.

今季唇彩有個賣點, 說是塗擦後抿一下唇, 就能保持唇色不脫, 喝咖啡也不留痕跡云云.

親身試驗...好像沒那麼厲害嘛, 杯邊還是留下淡淡的唇印.

不過喝水後也不用補塗, 滋潤度和唇色仍在, 我也沒投訴了.

都是淡粉色、珊瑚色一類.

唇彩擦頭, 挺好用.

唇彩包裝有點遜, 瓶身上下兩條菱格紋閃帶...令我想起文具店那些便宜氹小妹妹的閃帶膠貼.

瓶蓋跟大隊一樣造成鑽石紋狀. 好像想跟Jill Stuart比拼, 但級數實在差太多了!

我寧願好像舊包裝般, 老老實實.

這是我最愛的唇膏. MQ 07年春季妝品, PK730.

包裝簡樸不失型格, 金屬瓶蓋, 很有質感.

唇膏本身滋潤度很足, 帶微細閃粉, 低調的華麗.

最重要是顏色恰到好處, 那種豆沙紅, 介乎珊瑚紅和偏紫的粉紅, 擦上唇給人很好氣色, 開朗而溫柔的感覺, 就像是可愛女孩給你一個燦爛的微笑.

一直都捨不得用光, 現在都無法找到近似的顏色和感覺了.

********************************************

9月21日, 又一新品準時發售: MQ 09秋冬底妝. (怎麼老愛挑21日? 請教過風水師嗎?)

照片已拍好, 試用多一段日子再寫續篇:《敗家精之Maquillage零九秋冬新品(2)》.

七月新品@連卡佛

轉貼最新美容消息 --
http://apple113.blogspot.com/2009/06/look.html

連卡佛集合了十多個美容品牌, 七月中開始連環發放新妝品.


Bobbi Brown 和 Dior 都推出眼影盤.

如果一個女人只買一盒眼影, BB那盤是最佳選擇.

但是作為一個beauty-addict, 我會選擇 Dior 那盤.

雖然還不清楚顏色配搭, 但一看到那clutch bag外型, 就叫人投降.









Maquillage是我的老朋友, 每季新品都會挑一些來買來試.

但是今個秋季實在很沒看頭.

那些唇彩, 根本就是翻炒同門師妹Integrate今年春夏款, 一模一樣的包裝, 價錢卻差了一倍有多, 可以叫人心甘命抵的拿銀包出來嗎?

唉, MQ, 你也太不長進了!

近期最有興趣而且應該已上市的妝品, 是 Bobbi Brown 的 Brow Kit.

數年前, 買了套 BB 的修眉工具, 那個鑷子是 rubis 出品, 非常好用, 幼小到0.1mm的毛髮也能穩妥拔除.

今次推出的是限量版雙色眉粉, 附鑷子和眉掃, 真箇一盒走天涯.

Bronzer 我也想瞧瞧.

咱天生包包面, 要小臉, 除了整容磨骨, 最不傷身的就是找一盒顏色恰當的陰影粉.

試過很多品牌, 還沒找到一款稱心如意.

按 BB 的廣告, 今次推出了偏紅的顏色, 可兼當胭脂用. 挺吸引.

看到這個陣容, 應該找到合心意的顏色.

只是沒有掃附贈, 於吾等懶人來說, 麻煩也.

落雨天, 繼續買買買...

好啦, 我承認, 我是一個購物狂.

不過, 我也承認, 我不是一個亂來的購物狂.

每年夏天, 除了涼鞋, 另一樣我很想買的, 就是脫毛器.

想了好多年. 每次都會留意廣告, 每次看到價錢, 都會卻步.

花幾百元買? 花十來元在莎莎已經買到個很好用的鑷子, 手動拔除, 成本最低.

可是這種脫毛法, 換來可怕的後果. 簡單形容, 就是「不堪入目」.

不能自由地舉起雙手示人, 脫來還有什麼意義?!

一直喜歡胡定欣, 自從《舞動奇跡》後, 更加欣賞她. 看到今年她為飛利浦做代言人, 忍不住多看兩眼廣告.

然後在網上搜尋一下用家意見. 飛利浦, 一致好評喎, 連續十五年全港銷量冠軍, 似乎並非浪得虛名.

最吸引我的意見, 是十分耐用, 起碼可以用五六年, 有人更用到十二年. 拉勻來算, 一年還不用一百元.

好, 就送份禮物給自己.


內裡配件齊備.

充電器, 另一個剃毛刀頭, 敏感部位保護蓋, 冰敷器, 去角質手套, 收藏袋.

最大賣點, 刀頭以陶瓷物料製成, 其他品牌則是以不鏽鋼製成, 跟男士用的鬚刨一樣, 一看就覺得痛, 還擔心水沖得多會生鏽.

回家立即試用, 都脫得幾乾淨, 也沒有想像中痛, 不用冰敷器都得.

最不方便就是要充電16小時, 才有20分鐘的電量, 只夠一次用.

好天買鞋 落雨買鞋

多謝海港城, 教曉全城女人, 心情好買鞋, 心情唔好買鞋, 好天買鞋, 落雨天買鞋.

於是, 一連兩個落兩天, 我買了三對鞋.


第一對, 法國平底鞋王 Maud Frizon. 有人說很像Sheylls London. 大家都是賣平底鞋, 大家都是同一樣展示方式.

逛過幾次, 有些款不錯, 但一看價錢就卻步, $590, 怎麼買得落手?

這對正減價, 三百元, 合理啦. 我喜歡那花圖案.

第二、三對都是Staccato. 看網上評論, 說今季鞋墊做得比較好, 就去逛了.

一眼就看中這個顏色. 之前在le saunda看過一款也是這個顏色, 不過鞋底太薄了太硬了, 穿不了一會肯定腳疼喊累.

這種啡色, 令人想起initial、美華氏、古著... 沉穩、低調、有個性, 配牛仔褲配裙配什麼都好看.

本來看中另一對簡樸羅馬款涼鞋, 可是三吋踭, 我穿不了. 這對兩吋, 我還可以應付.


在sales姐姐的推介下, 又試了這對平底鞋. 橡膠底, 加厚墊, 皮料柔軟, 穿上去很舒服.

可是這種象牙白好像很挑衫襯, 唯有寄望穿舊了之後, 顏色變暗, 會易搭一點.

************************************************

每到夏天都想買涼鞋, 偏偏遍尋不獲心頭好.

偶一不慎, 就買了好些別的鞋子.

尋尋覓覓, 一個夏天就過去了.

到時候, 我就把我的converse搬出來, 省功夫. 嘿!

謝謝你們

一年一度, 小妹生日又到. 承蒙朋友及家人厚愛, 替我慶祝.

娘家習慣計農曆, 早在月初, 媽媽已送上大利是一封.

然後是多年同窗老友的K buffet.
Megabox的CEO裝修靚, 有獨立廁所, 仲有電腦上網, 大把野玩, 三個半小時, 意猶未盡.

一眾好友紛紛送上實用美觀禮物, 多謝晒!

古小姐送贈4GB手指, 非常實用.

沈小姐送贈的頸鏈. 我第一條長頸鏈呀, 襯咩衫都得, 好百搭.

唔知點解, 買飾物係我的弱項, 總不知在哪裡找, 也找不到靚款. 我想買長頸鏈好多年 (係, 真係有兩年以上), 但係永遠找不到合心水, 現在有人送, 真好!

老友魏小姐去日本旅行都不忘小妹, 空運我的至愛美容品. 香港好似才剛剛上架呢.

魏小姐至愛粉紅色, 就買了這個色給我.

看似很艷, 其實很透薄, 擦了兩層, 還不怎麼顯色.

試過上眼, 很自然的色調, 不會浮腫, 淡妝返工一流.

********************************************
隔個星期, 到夫家為我慶祝.

老爺奶奶送我雙封大利是. 他們一直都很疼我, 非常感激他們.

大哥大嫂一口氣送了兩份禮, 好重手呢.

兩層頸鏈, 非常別致. 戴上後顯得我很年青...少女啊! (羞)

另一份, Sarah Jessica Parker個人品牌的第一支香水"Lovely".

上網查了一下資料:
花香調
前味 – 柑橘(Mandarin)、佛手柑(Bergamot)、花梨木(Rosewood)、薰衣草(Lavender)、蘋果馬丁尼(Apple Martini)
中味 – 廣藿香(Patchouli)、白水仙(Paper White Narcissus)、蘭花(Orchid)
後味 – 香柏木(Cedar)、龍涎香(Amber)、麝香(Musk)、木質香(Woods)


後味以木味為主, 難怪聞起來, 好像處身參天巨木的森林中, 沉穩、安逸.

我想起《Sex and the City》其中一集, Carrie跟Mr. Big去森林木屋度假.

二姐跟姐夫知我愛美容, 送我這套小玩意. 是小姨甥峰峰親手送我呢, 好開心. 這孩子學講話, 進步神速, 教他一次就學會了, 逗得大家哈哈大笑.

套裝包括甲油、面油、貼紙、閃石, 還有說明書, 圖文並茂指導.

玩過一次, 美極了.

不過我經常用電腦, 不喜歡留長指甲, 總把指甲剪得又圓又鈍, 笨笨的一片, 很挑甲油顏色.
塗了也不能久留, 隔幾天就要洗掉剪指甲, 所以很少玩花甲.

二姐笑說, 要很得閒才能玩. 說得真對!

*************************************************

最重量級, 非三少莫屬.

早兩個月, 三少就時不時問我, 想要什麼生日禮物.

其實我什麼都有了, 今年三少又請了我去峇里, 不想他破費.

哈哈, 最後還是要他破費了, 送了這支手機給我.
Samsung最新推出的S8300H 紅色手機.

八百萬像素相機, 又有鍵盤方便打sms, 夠用了.

最鍾意個芒, 又大又靚, 據說samsung開發了新技術, 可以令顏色更鮮艷.

謝謝三少!