聽講是英國一個水療spa的品牌.
一直都少留意. 反而Boots撤出香港後, 多了留意其代理產品. 因為去泰國旅行, 個個都話要去Boots入貨.
後來見雜誌介紹, The Sanctuary脫離Boots, 改由萬寧代理, 重新引入香港.
看美容編輯的用後分享, 好似唔錯喎. (雖則唔知有無賣廣告成份, 但之前佢地推介的Clinicare真係好好用, 往績良好, 信多鋪! )
上星期, 經過新世紀廣場的萬寧, 終於見到專櫃開了, 於是走埋去試下.
sales姐姐極力推介洗面及toner. 後來買下了一套試用套裝, 都有貨size的四分一, 可以用足一個月.
套裝包括: 洗面啫喱, 爽膚水, 防曬保濕乳, 會發熱的charcoal深層清潔mask, 膠原保濕mask, 加送一條白毛巾及防水袋. 售價$199, 抵玩.最鍾意呢套product有淡淡花香, 好有做spa的感覺, 好舒服. 保濕度亦唔錯, 我無加用保濕精華都唔覺乾. 最好玩亦有點嚇人的係深層清潔mask, 抹上濕潤的面頰, 即時發熱, 有點擔心太過刺激, 不能常做. 保濕mask效果不俗, 可以維持到第二、三日, 出油會少左.
打算買番支貨裝洗面啫喱, 可以落埋淡妝, 聞住淡淡花香, 係忙碌一日後最好的呵護品.
