 |
話說上次購物滿$800, join了workshop, 早兩日去上堂.
今次學遮瑕. 托賴, 小妹保養尚算ok, 要遮的只是眼底下的小小眼圈, BA主要教我如何用番支遮瑕筆.
原來唔係一下就掃落眼頭, 反而要由眼圈底部一層層掃番上去, 逐少逐少地掃, 咁就又薄又自然.
講完遮瑕, 就教埋上底妝, 順道推介下新產品--美白系列.
之前我收到DM, 換了支亮膚水, 即係下圖那支小小的lotion.
 |
一支15ml, 日夜用都用到一個禮拜. 打開有陣寶礦力的味道, 原來有葡萄醣胺, 都係保濕之類啦.
質地很水, 抹完面, 唔會覺得好潤, 只係無咁乾, 當係潔面後的再次清潔及平衡皮膚都ok.
最鍾意包裝的質感, 雖是膠瓶, 但有相當厚度, 很像搪瓷, 而且白底黑字, 設計簡樸時尚, 好感度立時颷升.
今次就買了防曬霜. SPF 50 PA+++, 夏天用, 啱晒.
去年用過銀色管裝那支, 含有矽, 擦完有matte效果, 唔出油, 但矽的膠味很重, 感覺很人工, 而且牙膏狀的包裝非常難用, 又容易水油分離.
今年換過配方配過包裝, 不用再搖勻, 方便得多, 也沒有了那陣膠味.
BA教, 無論任何牌子, 防曬霜都要在雙手搓開搓勻, 再按壓上面. 唔係點五點再推開.
跟足來做, 果然貼薄了, 不會再一撻撻有排推, 也不覺黏"立", 不錯.
之後再試埋粉餅. BA話比起舊版, 粉粒細微一百倍(然後佢話雖然都唔知點樣分辨)...anyway, 隻粉真係好幼好滑, 色調自然, 薄, 中等遮瑕剛好做到裸妝效果, 又夠long last, 最重要係唔‧出‧油!
夏天粉底我好揀擇, 因為懶補妝, 鼻頭又易出油, 控油好, 唔乾, 係我的首選.
這隻粉餅就做到了, 但係成五百蚊, 貴呀, 而且我想睇埋MQ先.
之不過當晚都唔多捨得落妝, 而家仲念念不忘, 下次去應該會買.
BA仲俾我試埋serum同cream, 兩隻都好水. BA話我唔駛用serum(哈, 竟然唔hard sell喎), lotion加cream就好夠.
於是佢送左cream的sample俾我慢慢試.
因為夜晚用開SK-II隻美白晚霜, 日頭就用呢包cream. 一樣有陣寶礦力的果香, 舒服, 保濕度都ok, 心郁郁添.
隨sample夾附的小冊子有全條line的介紹.
 |
官網都有, 有埋價錢添, 都算均真:
Bobbi Brown 香港官方介紹
上次試用過cleansing oil. 一試愛上, 好用過潔顏油老大哥S牌, 加少少水就乳化, 潑幾下水就過淨, 唔乾好舒服. 而且一次就搞掂, 唔駛再用洗面膏, 連mascara都落到, 真係一take過無煩惱. 梗係抱支返屋企用啦^^
 |
