07自我小事回顧

07年最後一天, 做點小回顧.

1. 身份大提升: 三少姐姐做了媽媽, 我榮升三舅母. 堂弟亦做了爸爸, 我做了姑媽(好老的輩份).

2. 紅白大事: 三少的外公走了, 他曾經訪問過的一位可愛發明家公公也走了. 也有幾宗喜事, 結婚生仔, 多是三少那邊的同學朋友. 08第一宗結婚喜事主角卻是我的同事, 公司有好一陣子沒人辦喜事了, 大家都忙著做做做, 自己的事又不見那麼積極, 大家應該努力拍拖結婚生仔嘛.

3. 工作十周年: 除了暑期工和兼職, 正式長工, 一生人只打過一份, 已做了十年. 在可見的未來, 仍然會做下去, 而且無工可轉無槽可跳, 最糟糕!

4. 資產略有小成: 下半年開始比較積極做投資, 起步比人慢, 收穫自然不佳, 叫做不過不失而已. 可幸早幾年醒覺, 月供股票, 雖然今年5號仔極不生性, 但積累幾年, 開始有成果, 總好過戶口長期維持零水平, 養老就旨意它.

5. 做人態度依然散漫, 家居仍然一團糟, 三十幾年, 始終如一. 實在要不得.

6. 開始覺得在家比逛街舒服, 許多新場仍然未踩過. 還是老爸說得好, 無事出街少破財. 多點留在家收拾收拾吧.

7. 骨頭生鏽, 終於下定決心, 報名上瑜伽. 雖然常為工作而缺席, 但仍努力鞭策自己, 抽空上堂.

8. 同三少已經十二年, 細水長流, 穩定如藍籌, 這隻優質股, 值得長揸.

一年過去, 大事不多, 小事不少, 不過是個平凡人, 能夠踏實開心過每一天, 真好!