新腦

多番向三少呻我部腦如何龜速，嚴重影響我寫稿之速度。終於＂天鵝功＂奏效，三少敵不過，宣佈投降，陪我到電器店揀選新腦。

經我再三查看討論區之評語，加上主觀喜好，敲定Fujitsu及Sony兩大牌子。

兩個牌子都有一個共通點，就是貴！不過，我鍾意呀！

親身到電器店看實物，Sony的型仔贏足九條街，Fujitsu勝在日本製造，三年保養，信心の保證。不過店員話，你揀八千零蚊的電腦，梗係揀部config最新架啦，notebook呢家野，買部config舊少少，三個月已經outdate！

於是店員推介另一部，LG R410，Citi Bank信用卡做緊特價，本來萬幾蚊的電腦，減到八千幾。support高清，display card係最新的GeForce 9300，仲有2 GB turbo RAM。

但係LG係韓國機喎，聽講技術差少少，穩定性差少少，同埋... 唔係咁型仔囉...

我猶豫，跟住同三少講，你出錢，你話事。

三少二話不說，就篤住部LG，梗係揀佢啦！

於是就抱了LG回家，並且開始我玩vista的時代。（多謝三少！----事後三少話，幾驚我堅持揀Fujitsu，佢話八千幾買2 GB turbo RAM，乜都抵番晒啦！）

其實睇真少少，部機都ok靚仔既。而且個keyboard好打，對我經常打字的人來講，非常重要。




(圖片摘自LG官方網頁)

呢篇口水亦係新機寫。

玩vista，最大麻煩係要重新適應輸入法，抄足mac機咁，要按一次enter，所打的字才會穩固顯示，否則會消失無蹤，喊都無謂。

近排三部機輪流用，舊機繼續做少少上網及資料儲存，新機用來寫稿，eeePC就係帶出街隨時寫稿。舊機同新機都係用倉頡，拆碼無問題，係按enter及中英文轉換唔同；eeePC行Linux，同PC的倉頡拆碼有些許不同（聽人講係跟足mac），同新機一樣要按enter。

三部機，三種輸入方式，真係頭都大。