【新品分享】DiorSkin Nude 粉底系列及 One Essential

Dior去年推出礦物粉底系列, 當時只有粉底液、遮瑕及碎粉, 今年追加粉餅, 是可兼作修容的三色粉餅.

造型靚到吖! 根據自己用開dior粉餅的經驗, 只有一個形容︰讚! 斷估呢塊都唔會差.

為免跌入過度購物的陷阱, 先刨一刨各界評論.

口碑不俗, 不過要慎選底霜.

無問題吖, 我一向用開dior的防曬底霜 (又係另一「讚」之妝物), 同一個阿媽, 應該唔會出事.

計過筆直, ok, 咁就仆槌入手!
一貫的華麗包裝, 橫式粉盒, 厚度有番咁上下, 真係有點估佢唔到. 我最鍾意都係之前果個直式兩層, 小巧又夠時尚.

絨袋多了個小袋, 用來盛載扁掃.
真係有賺了. 雙面粉撲再加扁毛掃, 工具齊備, 想做出怎樣的妝效都可以.

膠片上清晰印上每色功用. 上格打亮, 中間做陰影, 下層係均勻膚色.

懶一點的, 一次過擦晒三色, 當普通粉餅用, 又得.
壓印招牌菱格紋, 想殺人咩, 鬼火咁靚!

同場加映︰粉底液及狂賣廣告的One Essential精華素

呢支精華素號稱可以“解毒”, 將那些什麼受損蛋白轉化番成健康蛋白, blahblahblah...

我都唔多信, 不過BA話可以搭配其他精華素, 幫助吸收, 將效果放大, 有名你叫: "skin boosting super serum", blahblahblah...

跟住BA又話, 佢有個同事原本有毛孔粗大問題, 用左呢支兩個月, 毛孔細晒, 一月推出以來, 好多客隔兩個月又返唻買, blahblahblah...

anyway, 講到天花龍鳳都無用, 最重要係, 價錢出乎我的意料之低, 又試得過喎!

擠出來, 乳液狀, 好快吸收. 試用左一日一晚咁大把, 光澤感又真係強左, 望落醒神左喎!

試埋粉底液, 水水的, 好易推.

遮瑕度幾好, 睇下我隻手即刻粉嫩晒.

掃埋三色粉餅, 仲靚!

俾另一隻「素手」比較下, 哈哈, 果然好大對比!

想知多D, 唔好去官網, 去呢度啦(按此), 直頭成份新聞稿印晒出唻咁!