很久沒寫妝文. 懶是最大原因, 沒有值得分享的用品也是原因.
不過夏日炎炎, 對著電腦寫稿總會悶, 於是找點空隙事做一下.
想起近來有朋友分享使用精華素的心得, 也就湊湊熱鬧, 拋磚引玉.
因為自己的皮膚屬乾性, 去完一趙旅行又曬出點點黑斑, 精華素於我, 是不可或缺的護膚品.
近半年來用的大概就是上圖四支. 逐一點評.
先是不過不失的一批.
這支GA出品的精華素, 六月才面世, 主打一支搞掂抗衰老、保濕、美白等.
多功能, 通常就係多樣不能.
事實上, 我覺得除了補濕之外, 其他感受不大.
而且, 價錢好貴!!
next!
以前提過, 小妹是鼠死兔的忠實用家(因為有相熟BA, 買野似係俾面多過實際需要). 所以出現這支精華素是好合理的事情.
咁我都唔係亂買野. 這支美白精華素, 舊版我覺得不錯, 牙膏狀, 用了一個夏季, 真係白左. 望鏡唔覺, 一搽粉就知, 要換過隻淺一號的顏色, 仲唔係有效?!
新版改成泵裝, 係衛生方便左, but, 變成水狀, 清爽有餘, 保濕麻麻, 美白? 咳, 唔係好覺.
so far未用晒一支, 係唔應該咁快下定論. 因為清爽, 我通常都係日頭用, 而經過一日的辛勞後, 卸妝時總覺自己個樣十級殘, 好難講呢支有效囉. 或者因為佢, 我無變到十二級殘, maybe, who knows?
用完未必再買. 但係最大鑊係, 早前為了湊數攞禮品, 我...我竟然買多左支!
如果有得揀, 我寧願揀下面呢兩支唻湊數.
好多人唔鍾意SK-II, 嫌佢水楊酸又嫌佢貴.
老實, 多年沒加價, 現在的SK-II價錢其實幾親民. 尤其係天價護膚品不斷出現的時候.
至於水楊酸, 我又唔覺好犀利, 起碼我鼻上的黑頭仍然健在, 仲未被溶(或稱"乸")走.
之前寫過文讚SK-II的skin signature系列(舊文請
按此).
今次講的這支, 是今年美白主打之一, 唔係去斑淡印, 而係玩整體膚色通透. 有名你叫, "晶鑽環采", 唔知仲以為係珠寶首飾.
愛它, 因為它夠爽唔立, 好快吸收, 整體面色係均勻左, 加埋同系面霜用, 更快見效.
已經用掉九成了. 打算再買.
本來不用自掏腰包, 早前參加facebook遊戲, 哈哈, 寫慣字的一出手果然天下我有, 立即贏到一支貨裝.
不過我不獨食, 借花敬佛, 轉送奶奶, 氹下老人家開心.
於是呢, 我就等緊幾時有優惠就買第二支.
另一支, 又係鼠死兔.
這支是抗衰老系列, 以前由玉女掌門人周慧敏代言, 現在玉女變人妻, 換轉敗犬上場, 由楊謹華代言.
邊個代言都唔係好大關係, 當然廣告賞心悅目, 買野的時候容易d諗起, 錯覺以為自己執到筍野, 自我感覺良好就係錦上添花.
又係果句, 因為乾性皮膚, 這條既保濕又可以美白仲可以抗衰老緊緻的revital line, 一直是枱頭的鎮山之寶.
(岔開一句, 早年鼠死兔的uv white系列廣受歡迎, 偏偏我用了就會敏感, 才知道當時的美白=乾, 嬲得我吖!)
出新野, BA就會介紹給我, ok的就會帶回家(都話過我唔係亂買野啦).
日頭有white lucent, 這支就留待晚上用.
晚黑瞓覺, 例開冷氣. 搽完這支, 瞓醒, 塊面無乾爭爭喎, 仲幾飽滿, 望落去連班都淡左.
但係日日用係唔會發覺佢的好處, 直至轉用GA(即係上面第一支囉), 有比較, 就會發現, 呢支真係好得!
雖然係貴左dd, 不過抵用吖, 唔駛兩個禮拜就有效果. 而且一支40ml, 每次只係兩至三泵, 黃豆仔咁多之嘛, 斷估可以用到三個月.
同埋, 我好鍾意果陣淡淡的甜香, 搽完就瞓, 好過用香薰.
分享到此. 有好野, 不妨單聲我聽, 我唔介意做白老鼠架^^
