葉靈B第一次踏足外婆家

第1場
時: 2007年7月15日
景: 調景嶺某酒樓
人: 只得主角葉靈B, 其餘都是大茄

三個月大的小傢伙, 已學會腳撐嬰兒車, 十分好力.

比起同齡BB, 他是不是大size了一點?

*******************************************************************************
第2場
時: 2007年8月4日
景: 九龍灣外婆家
人: 仍然只有主角葉靈B, 其他淪為妹仔及奴隸

前文提要: 話說葉靈B出生後, 外公外婆顧念BB細個怕感染細菌, 加上BB出街要帶大包小包, 為免麻煩, 一直是我們移船就磡, 到調景嶺姐姐家探望.

早兩晚, 大家談起, 葉靈B還沒到過外婆家呢, 一於帶小傢伙上來, 嗅一嗅外婆家的氣味(把他當成小狗了), 同場教授"婆婆"發音, 好等小傢伙留下深刻印象.

外公外婆自是雀躍不已, 坐言起行. 翌晚小傢伙已現身外婆家, 是為第一次踏足.

右邊藍衣為外婆, 左邊白衣為大玩具一號(即小妹), 負責逗葉靈B玩同笑, 娛樂大家.

跟著全家到樓下相熟酒家晚飯, 眾侍應不停逗弄、猛說好得意好趣緻...自不待言.

小傢伙醒後不甘留在嬰兒車上, 哭叫扭抱. 外婆第一時間抱起小傢伙, 小傢伙立即好奇四處望(到底四個半月大的bb視力有幾遠?)

一如所有外婆, 此刻統統變身女超人, 抱著孫仔不肯放, 單手吃飯 絕無問題.

姐姐也懶理, 自顧自享用晚飯.

三少和大少都說葉靈B跟姐姐小時候一模一樣. 姐姐小時候曾在奶奶手抱中拍過一張照片, 三少叫奶奶照辦煮碗拍一張, 包保沒有人分辨到哪張是姐姐, 哪張是葉靈B. 奶奶笑得開懷, 說背景是沈弼間大宅喎, 點可能再拍?

女超人繼續發功. 趁著三少抱葉靈B的短短五分鐘, 迅速吃完晚飯, 再把小傢伙收回手中.

三少是全晚唯一有幸抱到葉靈B的人(點解唔俾我抱下?)

但是小傢伙只顧看電視.

還嫌"殘酷一叮"太悶, 又兼三少這個大玩具二號不好玩, 大打呵欠.

開始不耐煩, 腳撐撐, 嘟起咀仔, 三少有點不知所措. 外婆見狀, 立即話"俾番我抱啦", 並在十秒內重覆這句話三次.

最後外婆索性搶到三少面前, 把小傢伙奪回.

臨行, 奶奶叮囑三少送姐姐一家搭的士. 未料離開酒家後, 外公一句"我地去送佢地搭車啦", 奶奶立即忘掉之前對三少的叮囑, 與老爺頓時變身左右護法, 護送葉靈B. 臨上車, 外婆還肉緊地啜了小傢伙一啖. 那一刻, 全世界好似只剩低佢兩婆孫.

其實外公何嘗不想多親近小傢伙, 只怕越近得多越不捨得, 要極力自我克制, 非常不容易呀.