話說上文提到，Lancome逢聖誕都會推出大堆頭優惠套裝，買產品超過$500，加$480就可得到。於是我就捧著這個紅盒子回家。
紅盒子只是包裝，裡面的黑色手提化妝箱才是主菜。
打開化妝箱，蓋連鏡子，一層層的抽屜，好像首飾寶盒！
內容豐富，我數過，共十件產品！
逐樣看吧。
先是兩件足size貨裝，也是Lancome的皇牌產品︰雙層眼唇卸妝液、睫毛膏
單是這兩件貨已值四百多元，即係話其他都係送的贈品囉！
然後是眼影胭脂組合
有閃燈
沒有閃燈
除了睫毛膏，我沒有用過Lancome的化妝品，不知道品質如何，粉質是否幼細順滑貼服持久。
單看顏色，感覺很實用。淡妝、濃妝都一一兼顧，只是附贈的小小化妝掃有點尷尬，可能用來畫眼線還可以，上眼影就勉強，胭脂更不用說了。
幸好另有化妝掃。
從左至右，就是胭脂掃、碎粉掃、濕粉掃。
掃毛柔軟、扎實，不像是尼龍掃，還隨附掃套，很有誠意啊。
短柄小巧，只佔用小小空間，即使帶去旅行也很方便，深得我心！
（題外話，植村秀今年的聖誕化妝掃套裝很無力，比起往年遜色得多，但是跟王大導交叉製作，噱頭十足，最重要係個掃袋真的很美！）
三支迷你唇膏，深淺粉紅齊備，真係想濃艷去party去飲又得，想自然裸妝返工返學又得，得左！得晒！
加上黑色眼線筆、Miracle香水辦仔，出得街啦！
到呢一刻，只係數左七件，仲有三件護膚品試用裝！
都是人氣商品︰GENIFIQUE嫩肌活膚精華露，同系列的眼部精華，防曬BB CREAM
真係好大堆頭啊！逐樣試，有排玩！
官方照，比我自家拍的漂亮得多了。
沒有留言:
發佈留言